ازيكم جميها يارب تكونو بخير ويارب متكونش التوبك متكرره عشان انا بصراحه مجاليش خلق اقلب فى الكام صفحه بتوع السكشن دا وبصراحه انا ليا واسطه فى المكانده
المهم ما اطولش عليكم انا جايلكم النهارده بموضوع سخن اوى فى نظرى وممكن يحصل بسببه شكل للركب ودا اللى انا عاوزه
الموضوع بيقول هل البنت ليها حق فى دخولها على برامج الدردشه زى الهوتميل والبالتوك والياهو الخ...
انا هبدأ بما انى اول واحد هيشوف الكلامده
انا واحد من الناس بجد بقدس المراه وبعترف بحرياتها بس على الجانب الاخر بشوف انها مقيده بحاجات اكتر من المسموحلها بيها وكونها تتمنع من حاجه ممنوحه للراجل دا مش تمييز للراجل لأ دا راجع لطبيعة المرأه يعنى انا مثلا همشى فى الشارع بشورت وبضى كت هل صح ان بنت تعمل زيى كده؟ هل دا تمييز للرجل؟ اكيد الاجابه لأ دا راجع لطبيعة البنت اللى تمنعها من اداء حاجات طولت عليكم انا عارف ولسه موصلتش للموضوع بس انا بمهد وبعمل اسناد للكلام اللى لسه هقوله
انا فى رائيى ان البنت مش من حقها تدخل على برامج التشات لأن مش من حقها تكلم رجاله مبيربطهاش بيهم اى علاقه غير الصداقه!!!
لحد الوقتى هيكون واحد او واحده محضر سؤال انا عامل حسابه هيقولى انت مش بتكلم بنات ومنتظر انى اقوله ايوه يقولى طيب اشمعنى انتا !!!
اقولك يا سيدى او اقولك يا ستى انا لما اجى مثلا اضربك بالقلم على وش جنابك وانت توافق!!!
دى مشكلة مين فينا؟؟؟
هيجى حد تانى يقولى انا بالنسبالى عادى ان البنت تدخل تعمل شات ايه المانع!!
طيب ارد على جنابك نعترف كلنا ان فى تجاوزات فى الشات بين اى ولد وبنت اللى هيا حتى على الاقل انه يقولها يا منيله وهيا تقوله يا منيل !!
ترضى كده لأختك او لمراتك فى المستقبل !!!
مش عاوز ارد على كل التساؤلات عشان انا عاوز اسمع اسئله ويبقى فى مشاركه فى الموضوع
انا فى رأيى المتواضع جمب رأى اى حد فيكم ان الموضوع دا ظاهره اللى هوا دخول البنت على النت ياريت لو الموضوع يتثبت...
منتظر الردود
