هاى لكل الناس
بجد المنتدى وحشنى جدا اليومين اللى فاتو و لما دخلت لقيت بجد تغير كبير انا افتكرت انا دخلت منتدى غلط
الستايل حلو يا سامح تسلم ايدك بس ليا اعتراض واحد موش عاجبنى هبقى اقولك عليه بقى بعدين موش ناو
اول حاجه بعتذر لكل الناس اللى قلقتها عليا اليومين اللى فاتو بس محلش بقى كان عندى ظروف و جوابات و موش كنت فاضييه شويه كده و كنت نافيه الموبيل مش كنت برد على اى حد
أعتذار مخصوص بقى لروزه حبيبتى اللى جننتها معايا و كمان لكتاكيتو و اكيد طبعا سامح
المهم بقى اللتوبيك دا عجبنى اوى و فكرت اسميه ايام و بنعبشها علشان الايام كلها بقت شبه بعض و حاسه ان الحياه فعلا بقت ايام و بنعيشها فغالبا موش هيكون فى جديد الواحد يتكلم عنه بس كل ماتحصل حاجه هحكيهلكوا هنا بقى ادعوا بقى ان حاجات حلوه كتير تحصل علشان الاقى حاجه احكيها
طبعا انتو معظمكم عارفنى و اللى موش عارفنى يلا زى بعضه بقى يعرفنى
هناء 24 سنه من اسكندريه
مراقب عام فى المنتدى
اعزب و لا يعول
النهارده بقى يوم جميل جدا و انا مبسوطه اوى علشان اخويا نازل اجازه من امريكا بقالى 3 سنين مش شفته و هو وحشنى اوى فطبعا انا قاعده ناو مستنياه على نار و حاسه ان الوقت واقف موش بيعدى
موش عارف بقى اول ما اشوفه هعمل ايه
يااااااااااااه 3 سنين حاجات كتير اتغيرت فيهم و حاجات كتير او حصلت ليا اتغيرت كتير اوى انا فاكره اخر مره اخويا كان هنا كنت لسه فى اليسانس و كان بيقولى انا حاسس انى بكلم بيبي فى حضانه موش واحده خلاص هتخلص كليه
كنت ايامها لسه عايشه ان الحياه وردى و كل حاجه حلوه و كله كويس بس فى ال3 سنين دول حاجات كتير اوى اتغيرت و حاجات كتير اوى حصلت خلتنى غيرت راى ان الحياه موش وردى الحياه الوانها كتير جدا كمان انا مع كل اللى حصل دا اهتمامتى و طموحاتى اتغيرت انا بفكر دلوقتى ياترى هو كمان اتغير زى مانااتغيرت
اخويا اكبر منى ب 9 سنين بس احنا قريبين من بعض اوى و انا بحبه اوى اوى
يلا ياوقت عدى بقى انت موش بتتحرك ايه ايه الكسل بتاعك داااااااااا
انا النهارده موش على بعضى بقى لانى موش بحب الانتظار فهسيبكوا ناو بقى و ارجعلكوا لما افوووق كدا
