موضوع: انت عايش ليه ! ! ! الخميس مايو 10, 2007 12:34 am
السلام عليكم السؤال الي انا هاساله دلوقتي موجه طبعا لكل الناس بس خصوصا للمشرف الغالي باتيستوتا الملاحظه الي هابلاني بصراحه انك لو جيت تبص لاغلب(وانا بقول اغلب) تفكير البشر هاتلاقيه بيتلخص في نقطه واحده ..... الي هي انا هاتجوز امتي وهاتجوز مين يعني تلاقي البني ادم وهو في الشهر الرابع في بطن الام باين في السوتار انه محتار وبيفكر في الموضوع ده هل يعني يا جماعه نعمه الحياه الي هي اكبر نعمه ربنا وهبهالنا تتلخص في الجواز بس بمعني ان يعني خلاص ربنا جابنا الدنيا عشان نتجوز وبس ....... انا مش بتكلم من الناحيه الدينيه لان طبعا كلنا حافظين الايه الي هي وما خلقت الجن والانس الا ليعبدون بس انا عاوز بس اقف لحظه وافكر هو يعني انا جاي الدنيا دي عشان اعمل زي ابويا وامي ومن قبلهم اجدادي اقعد احارب عشان اتجوز واسخر كل طاقتي ومجهودي وتفكيري عشان الموضوع ده وبعدين اخلف ولاد وبنات عشان يكبروا ويتجوزا ويخلفوا وفي الاخر كل دول يموتوا .... انا عمري ماقولت ان الجواز مش مهم ولا هاقول كده لانه طبعا سنه الله في خلقه ومن اهم العوامل الي بتساعد الانسان علي الحياه السليمه وان الانسان واجب عليه انه يتجوز لو قادر وكمان يعمل الي يقدر عليه في انه يعيش هو واسرته حياه كريمه بس مشكلتي اني شايفه تعدي مرحله كونه عامل واصبح هدف نهائي يقدر الانسان بعد مايحققه ان مايحققش اي حاجه تانيه في الحياه انا حاولت اختصر علي اد ما اقدر بس طبعا الكلام الي انا عاوز اقوله اكتر من كده بكتير بس كده كفايه لحد ماسمع راي باتيستوتا وبما اني اعرفه معرفه شخصيه احب ان هو يجاوبني بصراحه ويقولي رايه في الموضوع ده واكيد هو فاهمني لاني اتعودت منه علي الذكاء يريت الناس تشارك معانا وتعرفنا ايه رايهم في الموضوع ده وهما ازاي حاسيين بالحياه وايه رايهم فيها
