موضوع: موسم الامتحـــانــــــات الخميس مايو 10, 2007 11:02 am
كل سنه وفى نفس المعاد لازم يكون فى امتحانات مش مهم باه هى امتحانات جامعه ولا ثانويه عامه ولا حتى Kg1 ....المهم ان فى امتحانات وخلاص فكرة الموضوع اننا نفكر بعض اننا عندنا امتحانات ولازم نذاكر كل واحد عنده نصيحه للى بيذاكروا ييجى يقولها ..... كل واحد خايف من امتحان معين ييجى يقول سر الخوف ونطمن بعض فكره بسيطه جدا بس اكيد فى ناس هتقولى ليه وايه الفايده من كده يعنى؟؟ .... الفايده هو ان اى واحد فينا محتاج اللى يطمنه ويهديه ويخليه يقعد ويتهد فى البيت شويه عشان يذاكر بالذات فى ايام الامتحانات اه كنت هنسى .... وبرضو اى حد عنده موقف حصله ايام الامتاحانات ييجى يحكلنا برضو عشان نستفيد منه
مش عارف مدى المشاركه اللى هتيجى عالموضوع ده .. بس انا كنت اقصد منه نفيد بعض وخلاص بما ان القسم اسمه اصحاب فاكيد الاصحاب قلبهم هيكون على بعض ويكونوا عايزين يفيدوا بعض وربنا يوفق الجميع فى الامتحانات
وبما اننا فى الوقت ده بنلجأ لربنا عشان يوفقنا ويوقفلنا ولاد الحلال فى اللجنه فانا لئيت شوية ادعيه انشالله تفيدنا
قبل المذاكرة
اللهم أني أسألك فهم النبيين و حفظ المرسلين والملائكة المقربين اللهم اجعل ألسنتنا عامرة بذكرك وقلوبنا بخشيتك وأسرارنا بطاعتك إنك على كل شي قدير وحسبنا الله ونعم الوكيل
اللهم افتح لي أبواب حكمتك وانشر علي رحمتك وامنن علي بالحفظ والفهم سبحانك لا علم لنا إلا ما علمتنا انك أنت العليم الحكيم
ربي اشرح لي صدري و يسر لي أمري و احلل عقدة من لساني يفقهوا قولي
بعد المذاكرة
اللهم أني استودعك ماقرات وما حفظت وما تعلمت فرده إلى عند حاجتي إليه انك على كل شي قدير وحسبنا الله ونعم الوكيل
عند التوجه إلى الامتحان
اللهم أنى توكلت عليك وسلمت أمري إليك ولا منجى ولا ملجأ إلا إليك
عند الدخول إلى اللجنة
رب أدخلني مدخل صدق و أخرجني مخرج صدق , واجعل لي من لدنك سلطانا نصيرا
عند البدء في حل الامتحان
اللهم افتح علي فتوح العارفين بحكمتك و انشر علي رحمتك وذكرني ما نسيت يا ذا الجلال و الإكرام
أثناء الامتحان
لا إله الا انت سبحانك أني كنت من الظالمين يا حي يا قيوم برحمتك أستغيث ، رب إني مسني الضر أنك أرحم الراحمين
عند النسيان
اللهم يا جامع الناس في يوم لا ريب فيه أجمع علي ضالتي
بعد الانتهاء
الحمد لله الذي هدانا لهذا و ما كنا لنهتدي لولا أن هدانا الله
