يوووووووووم عالمى صرفنا فيه دم قلبنا اه وربنا
المهم ياجماعة مورو كانت شبطااااااانة تيجى هنا القااااهرة مش كايرو ها
انا وروزة قلنا يلا بقا حرام مش مشكلة اهى تقعد ساعة ولا حاجة ونقضى معاها الواجب وخلاص المهم ها ياجماعة انا جاية ان شاء الله يوم الجمعة طيب الساعة كام يابنتى؟ قالت فى قطر بيبقا الصبح قلنا انا وروزة خلاص ماشى يعنى مثلا تييجى 12 او 1 ولاقيتلكوا روزة بتتصل بيا بتقولى انى اقابلها الساعة 9.30 عشان نستنى مورو هناء فى محطة مصر انا اتسرعت 9.30؟؟؟؟؟؟؟؟؟؟ ليييييييييه هو انا هبيع لبن
المهم طبعا اضطريت اوافق دى البنية هناء بت جدعه وطيبة ولازم بقا نعمل الواجب
ولقيتلكوا الكاااااااارثة ان الساعة اتقدمت يعنى اكون فى محطة مصر الساعة 8.30 يامفترييييييييين صحيت من الساعة 7 الصبح عشان الحق البس واظبط نفسي لانى بلبس فى ساعة اتاخرت طبعا على روزتى واتصلت بيا موب قولتلها وانا بتاوب انا فى المترو وجااااية ربنا ياخدكوا حد ييجى لحد دلوقتى؟؟؟؟؟؟
استنيت انا وروزتى فى المحطة ونؤة جتلنا المهم بقا سلمنا وكده وانا وروزة كنا عنينا بتناااااام قولنالها مش احنا شفناكى الحمد لله يلا بقا عاوزة حاجة يلا سلااام عشان نروح ننام عشان انا مش كنت شايفة قدامى اساسا
بعد كده صعبت علينا انا وروزة قلنا لأ ياروزتى حرام نفسحها ساعة ولا 2 دى البنية جاية من اسكندرية مشى بالقطر المكيف درجة اولى اه ماهى فلوووووووووس بقا
المهم هشام سلملنا الامانة وقال خلوا بالكوا منها على فكرة هشام ده اخو هناء الشقيق
قلناله لااااااا تكلك خاااااالث
قلنا عارفين كويس الاماكن قلناله عيييييييب دحنا من القاهرة
المهم هو مشى واحنا المفروض اننا نركب محطة المترو عشان نشوف بقا هنفسحها فين الساعة كانت لسة 10.30 يامفترية يامورو ا دنا كنت زمانى فى بيتنا نايمة وباكل ميلفيه مع الملايكة
انا وروزة زي ماقلتلكوا بناااااااااام المهم دخلنا محطة رمسيس عشان المترو وقعدنا نلف نص سااااعة مش لاقيين الرصيف اللى هنروح منه اتجاه حلوان
وكل مانروح فى اتجاه الرصيف نلاقى مكتوب خروج نروح خارجين نلاقى نفس الحته اللى كنا فيها
ههههههههههههههه انا وروزة طبعا واقعين من الضحك لاننا مش عارفين حتى ندخل المحطة عشان نركب المترو وكنا مش شايفين قدامنا طبعا لدرجة ان مورو كانت هتتصل بهشام ييجى يدخلنا المحطة هههههههههههه
المهم الحمد لله سألنا واحدة ازاى ندخل المترو قالت امشوا ورايا مشينا وراها لاقينا نفس الحته اللى دخلنا فيها وروحنا وجينا فيها 3 مرات لكن كان فى فتحة صوغننه مش كنا شايفينها المهم الحمد لله ركبنا المترو ونزلنا محطة جمال عبد الناصر عشان نروح نفطر فى فلفلة او جاد ودخنا فطرنا وطبعا على حسابنا ماهى البنية ضيفة بردون طلبت انا 2 طمعية اللى بحبها ومورو وروزتى كل واحد بطاطس + بابا غنوج وطبعا المخللات ماهى كمالة مصاريف وماتنسوش ان طبعا المواصلات واللذى منه بردوا بندفعها ماهى ضييييييفة
بعد الحمد لله ما فطرنا اتمشينا عند شارع فؤاد ووصلنا محطة العتبة عشان نركب المترو وبردو دفعنا المواصلات وركبنا المترو نزلنا السيدة وخدنا ميكروباصات عشان نروح النادى بتاع اعضاء هيئة التدريس ودخلنا وطلبنا مشاريب طبعا روزة طلبت منجه كالعاده وانا طلبت حاجة ساقعة ومورو طلبت نسكافية شربنا الحمد لله وكنت بردو بنااااااااام انا وروزتى ومورو كمان حد ييجى لحد الساعة 10 الصبح لييييييه ونمت شوية كده لما قعدنا جمب النيل عشان النادى بيطل على النيل ونفضتلها
قعدنا فى النادى لغاية حوالى الساعة 4.30 وجه طبعا وقت الغدا كده الحساب تقل ياجدعان عاوزين تتغدوا ايه عاوزين بيتزا طب اوك رحنا بيتزا كينج واكلنا بردون والحمد لله وبردون دفعنا الحساب هى كانت عاوزة تدفع لكن قولنا دى ضيفة ياجماعة موش يصح بردو دفعنا وفلسناااااااااااا لأ والمشكلة ان الحساب جالنا عليه زيادة ال ايه البنت اللى كانت بتحسب غلطت فى الحساب وحسبت طبق سلطة زيادة ب7 جنية وال ايه ممكن تاخدوه تيك اواى اخد سلطة اعمل بيها ايه موش فاهمة طبعا موش رضينا وسبنالها بقشيش كمان وكانت الساعة حوالى 5.30 والمفروض ان هشام مستنيها فى محطة مصر الساعة 6 بعدها رحنا راكبين مترو الجامعه وبردو التزاكر مدفوعة الحساب كله كتر اووووى ربنا يعوض علينا ياروزتى ياحبيبتى مورو بردون عثل وتستاهل معلش هى مرة ومش هتتكرر وروحنا محطة مصر ودخلنا الكافية وماطلبناش اى حاجة عشان المفروض ان مورو هشام قلها اترزعى فى الكافيه استنينى مع انى حاسة انه قالها اترزعوا المهم طبعا كنا هنموت من العطش ومش هان علينا ندفعها اى مليم ولا نطلب حاجة يلا الحمد لله الساعة جت حوالى 6.50 دقيقة لولا ان هشام جه عشان تلحق قطر الساعة 7
كان يوم عسوول بس كنت عاوزة انام جدا انا وروزتى واياكى يامورو تييجى بدرى كده تانى ها
----------------------------------------
