جاهل: شوفت ياعم
مجهول:اية بس فى اية؟
جاهل:امريكا ياعم امريكا
مجهول:مالها بس ياعم دول اجدع ناس الامريكان حد يقدر يقول غير كدة
جاهل:امريكا ناوية تشترى الصحراء الغربية بتاعة مصر
مجهول:يسلاااااااااااااااااااااام
جاهل:وسمعت كمان ان فى كلام على الشرقية
مجهول:اية يابنى الجهل دا...انتا مش بتقرا جرايد
جاهل: لا ياباشا كنت بقرا الجرنان بتاع الله يرحمة اسمة اية دا
مجهول: اسمة اية مين؟
جاهل :اللى اتجرأ دا ورشح نفسة فى الانتخابات ضد الريس
مجهول: اة.....قصدك دكتور ايمن نور
جاهل:اة
مجهول: بس دا يابنى مامتش لسة...دا هوا اتنتشلة حكم سنة ولا حاجة
جاهل:ياعم هوا اللى بيروح بيرجع برضة....عمرك سمعت عن حد اتسحل ورجع لاهلة؟
مجهول:عندك حق
جاهل: داغير بقا احتمال بعد مايطلع تبقى علية مراقبة ومسجل خطر بقا ويشدوة كل شوية...ويبيتوة فى القسم بقا....وفين يوجعك بقا...هوا الاخ مش من مصر ولا اية؟
مجهول:اوف انت جاهل خالص يابنى.....دا رجل سياسة...انت تعرف ياعنى اية سياسة اساسا ياجاهل انت؟
جاهل:خلا ص ياعم كوفى عنان
مجهول : وكمان تعرف كوفى عنان....انا شكلى حبتدى انسى الكلام اللى انتا قولتة واغير وجهة نظرى فيك انك جاهل
جاهل: ايوة يابنى امال اية؟
مجهول:ودا عرفتة منين دا ؟؟؟؟؟؟؟
جاهل:مادا السمسار اللى حيتوسط بينا وبين الامريكان فى بيعة الصحراء الغربية
مجهول: ياساتر....انت اية ....غبى
جاهل: لية بس كدة ياعم مانديلا
مجهول: وكمان تعرف نيلسون منديلا
جاهل :امال اية ...ما دا اللى بيزاحم الامريكان فى صفقة الصحراء الغربية اصلة ناوى يبنيها كلها ملاعب علشان كاس العالم
مجهول: ويبنى فى الصحرا عندنا ملاعب لية ياعنى؟
جاهل: لما شاف جماهير ومشجعات مصر ....قال يبنى ملاعب عندنا علشان الجماهير تنجح البطولة والعيبة بتوعة يلعبوا...
مجهول:طيب فرضا ان كلامك صح....امريكا بقا عايزة تشترى الصحرا لية عندنا؟
جاهل:مش عيب لما تبقى راجل متعلم كدة ومش عارف
مجهول : قول انت يابو العريف منك نستفيد
جاهل:علشان يبقى نصيبهم من الكرة الارضية اكتر من 51% ويبقى ليهم حق ادارة الكرة الارضية لوحدهم.........فهمت
مجهول: عندك حق ....الله يرحمة ايمن نور انا عرفت بس دلوقتى هوا دخل السجن لية؟
جاهل: هوا انا معرفش بس اسكت دا ربنا رحمة
مجهول : لما يدخل السجن يبقى ربنا رحمة...ونعم بالله فى كل حاجة طبعا...بس ازاى؟
جاهل: اساسا يابنى كان المفروض ان كل اللى رشحوا نفسهم ضد الريس يموتوا كلهم فى حوادث قضاء وقدر فى نفس الوقت....بس قضا اخف من قضا ... ولا ايييييييييييييييييييييييييييييييييييييييييييييية؟
مجهول:لا....اقولك انا هوا دخل السجن لية....علشان فكر للحظة ان امثالك يستحقوا يعيشوا...وان امثالك ممكن يفهموا فى يوم من الايام ويقفوا جنبة
جاهل: يسلاااااااااام ....دا طلع يستاهل يدخل بقا
مجهول: عارف انا بعد ماسمعتك لقيت ان مصر ملها ش غير حل واحد
جاهل: بجد اية هواااااااااا؟
مجهول: قنبلة نووية يصنعوها تموت الناس الاغبية بس
جاهل: يسلاااااااااااااام دى حلوة اوى....بس كدة محدش حيعيش
مجهول: لا فى ناس بس قليلين اوى حيعيشوا....هما دول بقا اللى يبنوا مصر من جديد
جاهل: اية دا يعنى حيبتدوا من على الطوب الاحمر....دول مش حيخلصوا فى سنتهم .. وبعدين تشطيب مصر حياخد وقت وخاصة لو حبوا يدهنوا السد العالى... ولا افرض بقا حبوا يركبوا سيراميك للهرم.....ولا ورق حائط على ابو الهول لا ياعم الموضوع ياخد وقت
مجهول: حسبى الله ونعم الوكيل.....حسبى الله ونعم الوكيل
----------------------------------------
