موضوع: مذكرات بنوتة موكوسة السبت مايو 12, 2007 12:02 am
حديث اخ عن مستوى التعليم اثار فى قلبى الشجون حديث أخ حزيين بيتكلم عن اتعليم
اعرفكوا بنفسى الاسم:ياااااااااااه نسيت السن :مش فاكرة بس هومش من كتيير العنوان:هو انا عارفة اروح الكلية :كلية الى يدخل ما يطلعش
شوف يا مان انا هحكيلك حكاية كل العصور فى كلية الى يصبر ينول وهى كما قالت احدى الاخوات كلية الهموم اصدى العلوم
[size=6]والحكاية تبدأ حكايتى من السانوية الحمة حيث لم احصل على المجموع المنشود بعد الدح وقلة الخمود(أى النوم).ولا زعلت ولا اضيقت فيها اية عادى جداا دخلت كلية العلوم بصدر منشكح وامال عريضة انى اكون يا بردعية يا زويلة وع الى شوفتة مش هقولك بأة يا مان امكانيات وكتر كلام شوف يا مان انت عارف ان البلد مفيهاش فلوس ولازم نتعلم وتستحمل بلدك لازم يكون عندك انتماء وطنى يا مان
اكلمكوا ومنغيير تهجيس عن هيئة التدريس -فى عندنا دكاترة تمام بنستنى محضرتهم م الاسبوع للاسبوع علم وأيمة وشغل سيما وفى الحالات الى زى دى بيتعدوا على صوابع الايد الواحدة
وفى عندنا دكاترة شماميين ع االعلم مدمنيين الواحد من دوول يخش يشن ويهرش ومش بعيد ينادى لطالب يفلية وهو واقف وممكن ينسى انة ف محاضرة ويتخيل انة بيهزء مراتة الى لسة مجربة ابو وردة على دماغة الصبح وانتوا عارفيين بأه الكيف بيذل تلاقية مش مستحمل فيضربلوا سوجارتيين وهو واقف ف المحاضرة كدة اومال اية دة مثل اعلى لازم يتصرف بحساب وف الحلات الى زى دى طبعا واحدة زيى لازم تجاهد ف العلم ياااااااااة الواحد بيتعب جدا م النوم ف المحاضرات الى زى دى اصدى م التركيز
وصنف تالت برئئئئئئئئئئئئئئئئئئئئئئ يدخل يا عينى يا ولاد اوعوا تاخدوا كورسات اؤمرونا الى عايز حاجة مكتبى مفتوووووووووووح حرام عليكوا اهاليكوا ذاكروا سهل تبقوا معيديين عندنا وبلاش تكلفوا اهليكوا فلوش كتيير..وقبل ما يخرج يظرفنا سعر الكتاب الى لازم نشترية بدل ما نسقط وطلاقى الطالب من دوول خارج م المحاضرة متوتع من عدد المراجع واسعارها الىطبعا ما بتذكرشش منهم كلمة(ملها مذكرات ليلة الامتحان)دة مثلا
أكلمكوا بأه عن المعيدين الجامدين حدث ولا حرج المعييد من دوول تلاقى ريحة شرابة طالعة ومخاصمة البنطلون وبيتنطط عليك وعلى الى خلفوك حقة طبعاومنغيير حقد ولا حاجة تاخد عند سعادة الباشا المعييد كورس يظبطك لا غياب سكاشن ولا امتحانات عملى ولا اى حاجة تشيل همها دة انت بتاخد كورس عند البوسس يا مان مش اى حدد واحتمال يكتبلك النتايج بايدة ف امتحان العملى زى ما حصل مع انتيمتى ف الامتحان واما انا سالتة مكان المحلول فيين صيحلى وقالى... انا ما بكلمش طلبة ف امتحانات العملى ..طبعا هيج الدكاترة المشرفيين عليا وخد على افايا بونط وكنت انا الضحية حيث توترت اعصابى وبوظت العينة الى ف ايدى بس الحمد لله جيبت مقبول ف المدة بالنظرى فقط بسس ما علينا
وواحد تانى اقولة ونبى يا باشا الله يرضى عليك ابوس ايدك ورجلك ..لو سمحت المكراسكوب بتاعى بايظ ممكن واحد تانى يرد عليا طبعا والغباء بيرسم ف وشة ملامح الامتعاض هى دى امكانيات المعمل وتجيلك بأة بنوتة حلوة كدة معانا ف الدفعة(ما هو ما يغركمش مش مكل البنات ف الدفعة زيى كدة فى ناس جامدة بردة)بليز يا دكتور الميكروسكوب بتاعى مش واضح خالص.. طبعا لك ان تتخيل الواد من دوول_على طوول لسانى فالت كدة_ اصدى المعييد يبربش وعنية تنور وتعمل فلاشات ويفتح بؤة ويقولها خدى مفتاح دولاب المعمل اهوة خدى الميكرسكوب الى انتى عاوزاة!!!!طيب يا اخويا ربنا يخليلك قلبك الطيب الحنيين الابيض
المعيدات البنات باة ما اقولوكومش تضرب الوش الجبس وتشربلها كوباية....ع الصبح عشان تييجى تتغابى على الطلبة ما هو طبعا عشان الطلبة ما يستعيلوهاش ياخدوا عليها
يا رب حتى العمال ..العمال يا رب عم على الباشا بتاعنا الى مهنينا شايل موبايل (أن 90) يلا أأأعم على الضفضعة بكام ؟::3 جنية وطبعا بيرد عليك بكل ارف ويبصلك من فوق لتحت زى الشحات طب خد يا عم على بقيت خمسة جنية بأه وبكل قلاطة يقولك كل سنة وانتى طيبة بأه كل سنة وانتى طيبة..هههههههههههههه..ال كل سنة وانتى طيبة تبقى تتوكس وكستنا يا بعييد وهو عمالها معايا مرة واحدة لميتلوا شلة التشردد بتاعتى ومقلكوش باه الارف لازق ف وشنا خلقة المهم ظبطناه وواحدة صحبتى جامدة شوية برقتلوا خلاتة ادانى 2جنية ونص ..طب ما كان خد تلاتة جنية م الاول وهو ساكت ولا ما اقولكوش أبن عم على الى شغال معاة شيب وسيم دبلون تجارة تلاقية لابس جلبية عليها دم الضحايا الى بنشرحهم ف المعامل وجردل بيشيل فية الفيرا ن والضفاضع المفعصة مطرح ما خلصنا تشريح... .... شايل موبايل 7210الى كان بتاع اعم على السنة الى فاتت السنة الى فاتت اومال اية عم على يشيل حاجة قديمة كدة ؟المهم
ندخل على سناتر الكورسات داخل تدفع خارج تدفع أومال اية اطلبوا العلم ولو كان ف السناتر والمعييد من دوول تكع دم قلبك ودم قلب الى خلفوك وبكل قلاطة وبشرابة الى لسة حكيالكم علية من شوية انا ما بحبش اتكلم عن نفسى كتييرمعايا ممتاز بأذن الله واخر السنة تطلع بمبلول يدوبك الغسالة ما لحقتش تعصر بس اهو المهم هتعدى
ولا امتحانى العمل اقول ايه ولا ايه ولا ايه يااااااااااااه دنيا ناس بتدخلها يا اما ورقة اجابة محلولة يا اما واحد من الشرابات الى ف المعمل يقف يملى السنيورة او السنيور النتايج انا طبعا شوفت المنظر دة ما اقولكش يا مان ....أغشى عليا ف الحال
ملحوظة النور قطع عليا مرتيين قبل ما ادوس اضافة موضوع جديد والتالتة كل حاجة اتمسحت لوحدها وكل مرة كتبتة من دماغى تانى عشان اشارككوا وكستى يعنى الى مش هيكتب ردد موضوعى ويناقشنى هو حر جابة لنفسة
