هيفضل ايه
بقى معقوله ده صاحب عمرى
اللى صاحبنى فى مشوار عمرى
اول جرح اشوفه ف عمرى
تبقى بدايته كده بأيديه
كنت لا يمكن اصدق عمرى
انه يضيع احلام عمرى
او يتحكم ف زمام امرى
للدرجه دى انا هنت عليه
هيفضل ايه
حد يقولى هيفضل ايه فى الدنيا دى نأمن ليه
لما صديق العمر يخونى يبقى عدوى هيعمل ايه
هيفضل ايه
بعد ما اشوف الغدر بعينى م اللى انا فكره يا عينى شارينى
يا ما حاولت اكدب عينى بس خساره اكدب ايه
هيفضل ايه
تانى يا دنيا اسلم ليكى بعد ما باعنى اعز ما فيكى
وان فكرت اصاحب غيره اش ضمنى هيعمل ايه
هيفضل ايه
لأ يا قلبى بلاش تظلمنى انى بحاول اخيب ظنى
وانتى يا دمعة عينى استنى مش ده الى احنا هنبكى عليه
هيفضل ايه
