انا بحبك يا بنت الناس ايوه بحبك بس الحب لوحده ده ميكفيش لا هنشترى بالحب فطار ولا حتى رغيف عيش
ايوه بحبكبس انا مابروحش نوادى ولا بقول لأبويا يا دادى ولا بقضى الـweekend بره بلادى
ايوه بحبك ومعييش فلوس ولا أطيان أتولدت العب بين الغيطان لا بشرب ميه معدنية والساقية تروى العطشان انا بحبك يا بنت الناس ومابقولش كلام وخلاص بقلمى هبنيلك قصور وهسد قسط التلاجة وهدفع وصل النور هنعيش فى حلم مثالى فوق السما وفوق كل شئ عالى بس هترضى يا بنت الناس تحلمى معايا وخلاص هروح اتقدم لأبوكى وان ماكنش يبقى أخوكى او اى حد من اللى يعرفوكى وأقولهم:ينتظرنى مستقبل عظيم والمرتب اخر الشهر؟يدووووووب.....ملاليم هيطردونى ويسمعونى كلام يدل انهم حبونى اطلع بره يا ابن الـ.........ناس معندناش بنات وخلاص وهطلع بره وهدخل فلى قلبك جوه وهضربلك مثل فى الشهامة والمروة صدقينى انا مستهلكيش ومن غيرك هحاول أعيش هسيبك لصاحب نصيبك وخليها ماشية كده رزق الهبل على الملاطيش
