قتلتها .. وبايدي طعنتها
اللي كنت ساكن جوا قلبها
قتلتها وانا مش حاسس .. بس كنت عارف اني كده قتلتها
قتلتها .. لما جاتلي تلمح بحبها
قتلت الفرحه في عنيها قبل ماتكمل
مش عايز اكون سبب جرحها .. عارف اني ماستهلهاش وغصب عني وجعتها
كتمت حبك جواقلبي ودفنته بعنيا
ومسحت دموعك بدموع عنيا
خبيت .. وداريت .. وبحاول ادفن الحب فيك وفيا
مش هقدر اصونك ولا عمري اخونك حتى لو انت مش ليا
بس دا حكم الزمن .. ودا قدرنا..
يكون البعد طريقنا ونبدا من نهايه القصه حياتنا
وبدعيلك ربنا ينسيك قلب حب وخبى في قلبه .. ويجيلك في يوم اللي يستاهلك
